October 04, 2012
A tēra wiki, ka hoki mai ngā koiwi ētahi Maori, ētahi Moriori hoki
Kei te whakahokia mai ngā koiwi ō ātahi uri Māori me ātahi uri Moriori i ngā Whare Pupuri Tāonga e rua ō Ahitereiria ki te kainga.
I roto ngā koiwi ō ngā Māori e ono me ngā Moriori tekau ma whā i te whare pupuri tāonga ō te whare wānanga ō Poihakena ki te Uru, arā, i te JL Shellshear Museum, ā, i roto ngā koiwi ō ngā Māori e rua i te Western Australian Museum i Perth.
Hei te Rāhina ō tāra wiki powhiritia ai aua koiwi katoa ki Te Papa Tongarewa i Te Whanganui-a-Tara.
Hei tā te Kaihautu, ā Michelle Hippolite, ka noho tonu ngā koiwi ki Te Papa Tongarewa, tae noa atu ki te wā e tau ai te mōhio, no āhea iwi rātou, katahi ka whakahokia ki aua iwi.
Kei tarawāhi tonu te rima rau koiwi tāngata, me te kotahi rau toi moko, e tatari ana kia whakahokia mai ki te kainga.