Listen Now: 
Ko nga waka hourua a Hekenukumai Ngaiwi Puhipi, eera, e kau tonu ana i nga ngaru o te moana, e puhia tonu ana e nga hau a Tawhirimatea, kia tae atu ora atu ra ano nga waka, me ona kaumoana ki te tuunga tuatahi o te haerenganui ki Te Pito o Te Whenua, ki Rapanui, araa ki tetahi o nga moutere o Tahiti.
E matapae ana ka tae atu nga waka a Te Aurere me Ngahirakamai Tawhiti, ki Raevavae me Mangareva i nga moutere, o Wiwi, i Tahiti, i mua noa atu i te whakaterenga ki Rapanui
I matapae ra kia tae atu nga ope nei ki enei moutere, i roto i nga wiki e 6 ki te 8 mai ano i tona whakamaanutanga, mai i te Waapu o Te Viaduct Tamaki Makaurau i te 18 o nga ra o Akuhata.
Hei ta Hekenukumai Ngaiwi Puuhipi, o Te Rarawa, Ngati Kahu, te tohunga nana ano i tarai i nga waka e rua nei, kei nga ringaringa kee o nga atua, e meingatia ana, a hea raatou, uu atu ai ki Raevavae.
Hei ta Puhipi, no nanahi ano hoki a ia ka mutu te tuku atu i nga hoe e rua, mo nga waka nei, ta te mea, i ngaua ai nga hoe o te kei o nga waka nei, e nga taimahatanga o te wa
RELATED NEWS
