September 05, 2012
Na te kino o taua aitua
Posted On September 5, 2012
0
E ai ki ngā tatauranga ā te Ratonga hauora ā -rohe ō Waitaha, e rua tekau ma wha ōrau te pikinga ake ō ngā tāngata kua timata ki te momi tupeka, whai muri iho i te rū whenua nui i hauruturutu i taua takiwa, tekau ma rima marama ki muri.
Hei tā Vivian Daley, mangai mo te Ratonga Hauora-a-rohe ō Waitaha, kāore ia i paku whakaaro ake ka pera rawa te pikinga ō te tatauranga mo te hunga momi tupeka, engari, e marama ana ia na te aha, arā, na te kino ō taua aituā, ngā uauatanga i pā, me te korenga ō ngā hotaka auahi kore i muri i te ru whenua.